Unkehi

*اَن کہی*

اُداس آنکھوں کی اَن کہی کو کبھی تو سمجھو

کبھی تو سمجھو_!!!

گُھنیرے جنگل میں بکھرتی چاندنی کی بے رنگینی

وہ بے رنگینی جو اُداس آنکھوں کی چِلمن کے رستے دِل کے آنگن میں اُتر چکی ہے,اُتر رہی ہے

کبھی تو سمجھو__!!!

اُس آنگن کی ویرانیوں میں ویران ہوتا دِل کچھ مَر گیا ہے,کچھ مَر رہا ہے

کبھی تو سمجھو__!!!!

اُداس آنکھوں میں پِنپتے موتی

وہ موتی جن کی آبیاری میں ہِجر کے خنجر روح میں اُتر گئے ہیں,اُتر رہے ہیں

کبھی تو سمجھو__!!!

بَدن کے چہرے کے پیچھے چُھپی عِبارت

وہ عِبارت جس کے عُنوان کو "تُم" کیا ہے

وہ تُم کہوں تو تُمہی ہو ہَمدم

ہاں تُم !!

وہی تُم___جس سے لفظوں کی آڑ میں مخاطب ہوں کب سے__

وہ کب کو چھوڑوں اور اَب

اَبھی جو لفظوں کو پَرے دھکیلوں اور کہوں یہ تُم سے

اُداس دِل ہے,اُداس آنکھیں

اُداس میں بھی بہت ہوں کب سے___

اور کہوں جو میں اَبھی یہ تُم سے

کَبھی کو چھوڑو,اَبھی کو سمجھو

اَبھی تو سمجھو,تُمہی یہ سمجھو

فرح طاہر

un Kehi